Махамбет ауданының Сарайшық және Бейбарыс елді мекендерінің маңында 1957 жылы туған, 28 қаңтарда белгісіз бағытта үйінен шығып, осы уақытқа дейін қайтып оралмаған ер адамды іздеу жалғасуда.
Бұл туралы облыстық төтенше жағдайлар департаментінің баспасөз қызметі хабарлайды.
«Іздестіру жұмыстары кинологиялық есепті қатыстыра отырып, жақын маңдағы аумақты аралау арқылы жүзеге асырылып, сондай-ақ Жайық өзеніне сүңгуірлік түсу жүргізілуде. Іздеу жұмыстарына Атырау облысы ТЖД 6 қызметкері, 1 кинологиялық есеп және 1 техника жұмылдырылды» делінген хабарламада.