Бұл туралы ATPress.kz облыстық полиция департаментінің баспасөз қызметіне сілтеме жасай отырып хабарлайды.
Полиция аға лейтенанты Тимур Балмағанбетов түнгі сағат 01:00 шамасында Вокзал маңы ықшам ауданындағы көпқабатты үйдің 3-қабатының болконынан белгісіз баланың секірейіндеп тұрғаны туралы хабарлама алғанын айтады. Полиция капитаны Гизатолла Рахметов және полиция аға сержанты Мадиев Файзолла аталған мекен-жайдағы үйдің есігі құлыптаулы тұрғанын анықтаған. Жедел әрекет ету керегін түсінген полицейлер жоғары қарай өрмелеп үшінші қабатта тұрған 4 жастағы баланы аман-есен құтқарып алды.
Пәтер ішінде бүлдіршіннен басқа адам болмапты. Түнгі уақытта 4 жасар бала үйде жалғыз қалған екен. Ата-анасы құрбысына баланы уақытша қарай тұруға тастағанын айтады. Ал, сенген құрбысы баланы қараудың орнына үйді сыртынан құлыптап, кілтті подьезд ішіне жасырып кетіптң.
«Ата-анасы ұзақ уақыт үйге келе алмауын такси қызметін ұзақ күткенімен түсіндіріп, 4 жастағы баланы қауіптен құтқарған полицейлерге алғысын жеткізді» дейді департаменттің баспасөз қызметі.