Атырау облысында "Көктем-2022" Республикалық командалық-штабтық оқу- жаттығулары аяқталды.
Оқу-жаттығудың негізгі мақсаттары басқару органдарының лауазымды тұлғаларының төтенше жағдайларды жою кезінде күштер мен құралдарды қолдануды ұйымдастырудағы, оларды басқарудағы практикалық дағдыларын жетілдіру, қойылған міндеттерді шешу кезінде әртүрлі деңгейдегі билік органдарының жұмысындағы үйлесімділікке қол жеткізу, көктемгі кезеңдегі ТЖ алдын алу және жою саласындағы іс-қимыл алгоритмінің орындалуын тексеру болып белгіленді.
Бірінші күні шұғыл әрекет ету жасағының байқауы өткізілді. Байқауға 26 бірлік техника және 112 адам қатысты.
Оқу-жаттығу барысында жұмылдырылған бөлімшелер қауіпті учаскелерде суды сору жұмыстарын жүргізді. Қазіргі уақытта аудандарда орналасқан тұрғын үйлер мен объектілерге қауіп төніп тұрған жоқ.
Барлық жоспарланған практикалық іс-шаралар жоғары деңгейде, үйлесімді, жедел және сауатты өткізілді.
Барлық азаматтық қорғау қызметтері мен құралымдары, жергілікті жерлердегі ұйымдар мен кәсіпорындар мақсаты бойынша көктемгі кезең жағдайларында төтенше жағдайларды жою жөніндегі іс-қимылдарды орындап, орындауға дайын.
Атырау облысы әкімінің орынбасары Қ.Е. Нұрлыбаевтың төрағалығымен өткен оқу-жаттығу соңында екі күндік республикалық командалық-штабтық оқу-жаттығу барысында қойылған міндеттерді орындау бойынша іс-қимылдардың қорытындысы шығарылды.