Жылдың үздік қызметкерлері анықталды

ATPress.kz. 22 желтоқсан. «Жыл үздігі – 2016» жастар сыйлығы биыл Атырау қаласында әр салада қызмет етіп жүрген жастар арасында 15 номинация бойынша ұйымдастырылды.

Салатанатты шарада құттықтау сөзін сөйлеген Атырау қаласының әкімі Серік Шәпкенов жастар сыйлығының мақсаты - дарынды жастарға қолдау көрсетіп, әр салада кәсіби шеберлігімен көзге түскен жастарды жігерлендіруді көздейтінін атап өтті. Сонымен, қазылар алқасы жылдың «жүзден жүйріктерін» төмендегідей номинациялар бойынша анықтады. 

«Үздік жас ұстаз» - Махамбет Өтемісов атындағы орта мектебінің мұғалімі Нұргүл Темірғалиева.

«Үздік жас мәдениет қызметкері» - Құрманғазы атындағы мәдениет сарайының әншісі Әсет Алиев.

«Үздік жас спортшы» - Азамат Өтемісов.

«Үздік жас ғалым» - С.Мұқашев атындағы Атырау политехникалық колледжінің мұнай бөлімінің меңгерушісі Нұрлы Нұржанқызы.

«Үздік жас дәрігер» - Геолог емханасының жалпы тәжірибе дәрігері Данагүл Құттыбаева.

«Үздік жас мемлекеттік қызметкер» - Атырау қаласы әкімі аппаратының мемлекеттік-құқықтық жұмыс бөлімінің бас маманы Жігер Ибатоллаұлы.

«Үздік жас тәртіп сақшысы» - Атырау қаласы ішкі істер басқармасының жергілікті полиция қызметінің учаскелік полиция инспекторы Асылбек Халел.

«Үздік жас журналист» - «Қазақстан-Атырау» телеарнасының редактор-жүргізушісі Гүлдана Ерназарова.

«Үздік жас фотосуретші» «Атырау-Ақпарат» ЖШС-нің облыстық «Прикаспийская коммуна» газетінің тілшісі Максим Стадниченко.

«Үздік жас видеограф» - «Бәйтерек» студиясының директоры Қуаныш Таңатаров.

«Үздік жас көшбасшы» - «Логос Атырау» қоғамдық қорының төрайымы Бибігүл Шайхиева. 

«Үздік студент» - Х.Досмұхамедов атындағы Атырау мемлекеттік универитетінің физика-математика және ақпараттық технологиялар факультетінің 4 курс студенті Ақерке Еркінова.

«Үздік жас кәсіпкер» - «Даулет» индустриалдық аймағының басшысы Сүлеймен Акдрашев. 

«Үздік жас мұнайшы» - «Ембімұнайэнерго» басқармасының реллік қорғау, автоматика және метрология бөлімшесінің инженер-метрологы Әсет Боранғалиев.

«Жыл үздігі – 2016» жастар сыйлығының жеңімпазы болып, «Жүректен жүрекке» қоғамдық қорының жетекшісі Әйгерім Досқалиева марапатталды.

Әр сала бойынша жылдың үздік қызметкері атанғандар «Жас қоғам» жастар қоғамдық бірлестігінің дипломымен қоса естелік сылығына ие болды. 

- Менің бүгінгі жеңісім – телеарнадағы барлық ұжымның жеңісі деп айта аламын. Мұның артында жобаның жетекшісі, режиссёрлар мен операторлардың еңбегі жатыр. Алған марапатым алға қарай да тынбай қызмет етуіме ынта береді, - дейді «Үздік жас журналист» номинациясын жеңіп алған «Қазақстан-Атырау» телеарнасының редактор-жүргізушісі Гүлдана Ерназарова.

Мереке Асанова

Сурет Әнуар Әбілғазиевтікі