Жаңа банкнот айналымға шығады

ATPress.kz. 15 қараша. Қазақстан Ұлттық банкі тұңғыш президент күніне орай ескерткіш банкнотты айналысқа шығарады. Елбасының суреті бейнеленген банкнот ел Тәуелсіздігінің 25 жылдығына арналып отыр.

Бұл жөнінде бүгін ҚР Ұлттық банкінің төрағасы Данияр Ақышев Астана қаласында өткен конференцияда сөз сөйлеген кезде хабарлады.

- Тәуелсіздік тарихы Елбасының жеке басымен тікелей байланысты. Сондықтан да Ұлттық банк Қазақстан Тәуелсіздігінің 25 жылдығына арналған және Президентіміздің ел дамуына қосқан үлесін көрсететін мерейтойлық банкнотты ұсынып отыр. Банкноттарда портреттерді бейнелеу жаңалық емес. Бұл – елдің өміріне аса маңызды үлес қосқан тұлғалардың бейнесін орналастыру арқылы мемлекеттілік идеясын көрсетудің ең жарқын әрі түсінікті формасы, -  деді Д.Ақышев. 

Бұл ескерткіш банкноттың негізінде Мәңгілік Ел идеясы жатқанын айта кеткен жөн. 

Нұрбейбіт Нұғыманов