23 Маусым күні Жаңаталап ауылдық округі, Хиуаз ауылында Қазақстанның еңбек сіңірген қайраткері, филология ғылымдарының кандидаты, Құрманғазы атындағы Қазақ ұлттық консерваториясының профессоры, әнші, композитор Сәуле Жанпейісованың "Ер есімі - ел есінде" атты авторлық ән кеші өтті, деп хабарлайды AtyrauPress тілшісі.
Хиуаз ауылында арнайы ұйымдастырылған жеке ән кешінің ерекшелігі, жерлес әпкеміз Хиуаз Доспанованың ерлігін дәріптейтін композитордың "Хиуаз" әнінің тыңдарманға алғаш рет арналуы.
Сәуле Жанпейісованың арнайы авторлық ән кешінің қонақтары ҚР Мәдениет қайраткері, композиторлар Одағының мүшесі Исмагулов Аманжол Дүйсенұлы. Ақын, журналист, филология ғылымдарының кандидаты Гүлзада Ниетқалиева және Н.Жантөрин атындағы Атырау облыстық филармониясының әншісі, ҚР Мәдениет қайраткері Ханзада Сақыпова. "Хиуаз" әніннің орындаушысы, Қазақ ұлттық консерваториясының 4 курс студенті, Халықаралық және Республикалық конкурстардың конкурстардың лауреаты Шыңғыс Нұрғалиұлы.
Көрерменнің зор қошеметіне ие болған, әсерлі кештің қонақтарына Құрманғазы ауданының 95 жылдығына арналған төсбелгілері табысталды.