Жылыой ауданындағы “Қасиет” өнер студиясы Дубайда өткен “NURLY FEST” халықаралық байқауына қатысып, елге үлкен жетістікпен оралды. Өнерпаздарымыз бұл додада Бас жүлде мен бірінші орынды жеңіп алып, ел намысын абыроймен қорғады.
— Биыл “Қасиет” өнер студиясының ашылғанына екі жыл толды. Осы уақыт аралығында студия өнерпаздары өз таланттарын шыңдап, әлемдік сахналарда еліміздің мәдениетін жоғары деңгейде танытуға бағытталған бірқатар жетістікке қол жеткізді. Бұл жеңіс – студияның халықаралық аренадағы алғашқы үлкен жетістігі. Сонымен қатар өнерпаздарымыздың шеберлігі мен қажырлы еңбегінің арқасында Қытай мен Катарда өнер көрсетуге жолдама ұтып алдық. Бұл – біздің шығармашылық өсуіміздің айқын көрсеткіші, – дейді “Қасиет” өнер студиясының басшысы, ансамбль жетекшісі Салтанат Талғатқызы.
“Қасиет” өнер студиясы осы жеңістерімен тоқтап қалмай, алдағы уақытта да жаңа белестерді бағындыру үшін жоспарлары да аз емес.
Тоғжан ЕРМЕК