Астана қаласында өткен Халықаралық “Шаг Вперед” би байқауында Доссор мәдениет үйінің “Еркем-ай” үлгілі би ансамблі өнер көрсетіп, аудан абыройын асқақтатты, деп хабарлайды AtyrauPress тілшісі.
Аталмыш би тобы “Қазақ биі” жанры бойынша “Ауыл кеші көңілді” биімен “VIP Гран при” жүлдесін жеңіп алып, Ташкент қаласында өтетін байқауға тегін қатысуға жолдама алды. Бұл туралы аудан әкімдігі мәлім етті. Сондай-ақ, жеке орындаушы Сезімжан Ерланқызы “Халық” биі бойынша “Хорезм” биімен “Гран при” иегері атанып, Түркия мемлекетіне 10% жеңілдікпен би байқауына жолдама алса, “Қазақ биі” жанры бойынша “Шалқыма” биімен өнер көрсеткен Аяулым Русланқызы “Гран при” иегері атанды.
Амандық САҒЫНТАЙҰЛЫ