Газеттің 90 жылдық мерейтойы қарсаңында ауданға еңбегі сіңген азаматтар мен сала ардагерлері, қызметкерлері марапатталды, деп хабарлайды AtyrauPress тілшісі.
Өңірлік коммуникациялар қызметі мәлім еткендей, еңбек жолында баспахана директоры болып қызмет еткен Маргарита Бозаева, баспасөз саласында 36 жыл еңбек етіп құрметті демалысқа шыққан Сүйеу Халықов және ақын, Алаш әдеби сыйлығының, Халықаралық Шабыт, республикалық Махамбет сыйлығының иегері Әлия Дәулетбаеваға «Индер ауданының Құрметті азаматы» атағы берілді.
Мерекелік іс-шарада Қазақстанның құрметті журналисі Сахи Кеңеске, «Дендер» қоғамдық саяи-газетінің бас редакторы Жанай Амантурлинге, газеттің жарнама менеджері Айкенже Биғайыроваға, бас редактордың орынбасары Арал Байжігітовке және газет тілшісі Саламат Базарбаевқа облыс әкімінің Алғыс хаты табысталды.
Бұдан бөлек, сала ардагерлері Үнзира Қадырбаева «Ардақты ана» медалімен, Ақбілек Бектұрлиева «Тәлімгер» медалімен, Бағытжан Жұматов «Бейбарыс» орденімен және газет ұжымы "Дауылпаз" медалімен наградтталды.
Сонымен қатар, бірқатар журналист облыстық және аудандық мәслихат пен “ Атырау-Ақпарат” ЖШС тарапынан Алғыс хат алды.
Салтанатты іс-шарада аудан әкімі Дарын Шамұратов редакция ұжымына көлік кілтін, “Атырау Ақпарат” ЖШС бас директоры Нұрболат Елеусінов ақшалай сертификат табыстады.
