Бұл туралы аудан әкімінің Бірлік ауылдық округі тұрғындарымен кездесуінде мәлім болды, деп хабарлайды AtyrauPress тілшісі.
Мемлекет басшысы Қасым-Жомарт Тоқаевтың «Әкімдердің халықпен кездесулерін өткізу туралы» Жарлығына сәйкес аудан әкімінің міндетін атқарушы Марат Хасанов Бірлік ауылдық округінде тұрғындармен кездесу өткізді. Аудан әкімінің баспасөз қызметінен білгеніміздей, ауыл халқымен өткен кездесуде алдымен Бірлік ауылдық округі әкімі Нұрдәулет Дәреловтің есепті баяндамасы тыңдалды.
Ауылда атқарылған жұмыстарға тоқталсақ, шекара маңындағы елді мекендердің инфрақұрылымын салу және жаңғырту үшін «Батыс Альянс Строй» жауапкершілігі шектеулі серіктестігімен Амангелді ауылында «Амангелді ауылы» белгісін қондырды. Округ әкімшілігі тарапынан көше жарығына қосу жұмыстары жүргізілді.
Көгалдандыру жұмыстары бойынша округ аумағындағы барлық мекемелерге, саябақтарға, ойын алаңдарына барлығы 650 дана тал егілді.
«Ауыл-ел бесігі» бағдарламасы аясында округ аумағында 300 орындық мәдениет үйінің құрылысын «Бағалы Алакөл» жауапкершілігі шектеулі серіктестігі мекемесі арқылы жұмыстары жүргізілуде, аяқталу уақыты 2025 жылдың аяғы.
Бірлік ауылдық округіне жабық спорт кешенін салу мақсатында аудандық құрылыс бөлімі арқылы демеушілік негізінде «Garant Projekt DK» жауапкершілігі шектеулі серіктестігі мекемесімен жобалау-сметалық құжаттама жасақтауға ұсыныс жолданды. Ұсынысқа сәйкес демеушілік негізінде жасақтап беруге келісімін беріп отыр. Жер алу құжаттары ұйымдастырылуда.
Бірлік ауылдық округіне 25 науқас қабылдайтын дәрігерлік амбулатория құрылысын салу үшін ЖСҚ дайындалуда. Жер алу құжаттары ұйымдастырылуда.
Бұдан кейін аудан әкімінің міндетін атқарушы Марат Хасанов жыл басынан бері өңірдегі атқарылған жұмыстарды баяндап, ауданның негізгі мәселелері кезең-кезеңімен жүзеге асып келе жатқандығын айтты. Тұрғындар кезекпен өздерін толғандырған сауалдарын жолдады. Олардың бірқатары арналарды түп тереңдету жұмысына қатысты болды. Қозғалған мәселелерге орай, жауапты мердігер мекеме өкілдері, бөлім басшылары жауаптар қайтарды. Есепті кездесуден соң аудан әкімінің міндетін атқарушы М.Хасанов жеке мәселелері бойынша тұрғындарды қабылдады.
Амандық САҒЫНТАЙҰЛЫ