Бұл туралы Атырау облысы білім беру басқармасының баспасөз хатшысы Эльмира Тұңғатарова мәлім етті, деп хабарлайды AtyrauPress тілшісі.
Нұрғиса Тілендиев атындағы мамандандырылған гимназия оқушысы Дильназ Ежірова Грецияда өткен “Greece Hope” халықаралық фестивалінің ГРАН ПРИ иегері атанды.
Әлемнің 19 елінен жас өнерпаздар қатысқан байқауда Дильназ ағылшын тілінде “Love story “ әнін орындап, керемет дауысымен әділ-қазылар алқасын тамсантты.
13 жасар Дильназ осыған дейін республикалық, халықаралық байқауларда топ жарып жүрген өнерпаз. Білікті ұстаз, вокал сыныбының мұғалімі Алма Нұрашеваның шәкірті.