Іс-шараны «Халықаралық «Қазақ тілі» қоғамы» қоғамдық бірлестігі, Атырау облыстық мәдениет және тілдерді дамыту басқармасы мен Х.Досұмхамедов атындағы Атырау университеті бірлесіп ұйымдастырған, деп хабарлайды AtyrauPress тілшісі.
Өңірлік коммуникациялар қызметі мәлім еткендей, суретшілер «Сарайшық» музей-қорығының аумағындағы көріністерді кенеп бетіне түсіріп, тәжірибе алмасты. Жалпы пленэрге қатысқан қылқалам шеберінің саны 50-ден асады. Олардың туындылары 6-7 қараша күні Атырау қаласында өтетін арнайы көрмеге қойылады.
- Бүгін табиғат аясында өткен пленэрге қатыстық. Мен өз картинамда орта ғасырлық қала Сарайшықтың және Жайық өзеннің жағасындағы күзгі көріністің әдемі сәтін бейнеледім. Өте жақсы туындылар шықты деп есептеймін, - деді «Бейнелеу өнері және дизайн» кафедрасының аға оқытушысы, суретші Гүлбарам Дәндібаева.
