Республикалық сайысқа еліміздің 17 облысынан келген 79 оқушы қатысуда,- деп хабарлайды Өңірлік коммуникациялар қызметі.
Ақберен ақынның шығармашылығын насихаттауға арналған сайыс 5 номинацияны қамтиды.
- Олар «Ұлы арман» номинациясы бойынша Махамбет шығармаларынан иллюстрациялық сурет салу, «Ел құтқарар ер едім...» - Махамбет шығармаларын жатқа оқу, «Шашақты найза, шалқар күй» Махамбет күйлерін орындау,«Тартынбай сөйлер асылмын...» - жас ақындардың өз туындыларын мәнерлеп оқу. Сонымен қатар, оқушылар «Біз неткен ер, неткен ер? Сергелдеңмен өткен ер», «Хандар мен ел билеушілер» немесе «Батырлар» тақырыбының біріне ғылыми жоба қорғайды, - деді облыстық білім беру басқармасы басшысының орынбасары Орынгүл Биманова.
Жеңімпаздар ҚР Оқу-ағарту министрлігінің дипломымен және ұйымдастырушылар тарапынан бағалы сыйлықтармен марапатталады.
Сонымен қатар, қатысушылар өңірдің киелі жерлерін аралап, Махамбет пен Исатай алаңына гүл шоқтарын қойып, облыстық өлкетану мұражайына, Қараойдағы Махамбеттің мазарына барып, өлке тарихымен тереңірек танысады.