Рыспай Ғабдиев атындағы ІІІ республикалық дирижерлар конкурсы қорытындыланды, деп хабарлайды AtyrauPress тілшісі.
Конкурсқа әр өңірден 14 үміткер қатысты. Үш күнге созылған өнер бәйгесінде Бас жүлде астаналық Қазақ ұлттық өнер университетінің «Дирижерлау» мамандығы бойынша I-курс магистранты Даулет Габитовке бұйырды. Бірінші орынды «Дина Нұрпейісова атындағы халықтық музыка Академиясы» Атырау музыка колледжінің ұстазы Сырым Қапаров иеленді. Екінші орын Әбілхайыр Бейсеков, Сәтқозы Мұхтар, үшінші орын Артур Қазиев, Жақсылық Нұрхожаев, Азамат Шынаровқа табысталды.
Ал, Дипломант Абай Ракишов пен Дина Ардаққа және Арнайы жүлде Әлия Салиге бұйырды. Сонымен қатар, Алдияр Сабитов, Арнат Қабыл, Абзал Сали, Нұрғали Әшімхан алғыс хатпен марапатталды.
Шара барысында Құрманғазы атындағы қазақ ұлттық халық аспаптар оркестрінің бас дирижері, «Дарын» Мемлекеттік жастар сыйлығының иегері Тілепбергенов Абылай Жанболатұлы Құрманғазы атындағы қазақ ұлттық халық аспаптар оркестрінің мерейлі 90 жылдығына арналған төсбелгісін ҚР “Құрмет” ордені иегері Жауыров Орақ Жауырұлына және Дина Нұрпейісова атындағы академиялық қазақ халық аспаптар оркестрінің көркемдік жетекшісі және бас дирижері, «Дарын» Мемлекеттік жастар сыйлығының иегері Долдашов Болат Махамбетұлына табыстады.
Амандық САҒЫНТАЙҰЛЫ
