29-30 маусымда дебаттан республикалық «ATYRAU CUP VI» облыс әкімінің кубогіне турнир өтті. Оған еліміздің 8 облысынан 32 командадан 64 жас қатысты, деп хабарлайды Өңірлік коммуникациялар қызметі.
Турнирдің қорытынды кешіне Атырау облысы Ішкі саясат басқармасының басшысы Гүлнұр Сүйеуова қатысып, жеңімпаз командаларды құттықтады.
- Бұл турнир биыл алғаш рет өтіп отыр. Ол қоғамдағы өзекті мәселелерді талқылап, көпшілік алдында сараптау арқылы жастардың әлеуметтік және шығармашылық белсенділіктерін арттыру мақсатында өтті. Еліміздің әр өңірінен келген жастардың белсенділік қатысуы қуантарлық жайт. Баршаңызға алғысымды білдіре отырып, жүлдегерлерді марапатымен құттықтаймын, - деді Г.Сүйеуова.
Турнир нәтижесінде І орынды астаналық «Ұйықтап кетсем бір күні оянбай қалам» командасы иеленді. Ал Ақтөбеден келген «Моно» командасы ІІ орынды, ІІІ орынды семейлік «Лакад мататаг» командасы қанжығалады. Сондай-ақ, «Ең үздік спикер» номинациясы Орал қаласынан келген Айымбек Сарымсақовқа бұйырды.