Атырауда 2 сәуірде танымал трагедиялық шығарма сахналанбақ (+ВИДЕО)
Махамбет атындағы академиялық қазақ драма театры 2 сәуірде көрерменге Еврипидтің «MEDEA» трагедиясын ұсынады, деп хабарлайды AtyrauPress тілшісі.
Ары мен намысы, құқығы, махаббаты аяққа тапталған әйел тағдыры арқау етілген ежелгі тарихи қойылымның қозғайтын мәселесі бүгінгі қоғамға да жат емес, өте өзекті. Өз күйеуінің сатқындығын кешіре алмаған Медея туған балаларын өлтіруге бел буады. Сөйтіп, күйеуі Ясоннан оны ұрпақсыз қалдыру арқылы кек алмақ болады. Бұл шешімге келу, әрине, өте ауыр, әрі кешірілмес күнә. Осы сәттегі Медеяның көкірегіндегі екіұдай сезім, балаларына деген өшпес махаббаты мен күйеуіне деген қайтпас кектің арпалысы көрерменді бей-жай қалдырмайды.
