7 мамыр – Отан қорғаушылар мен 9 мамыр – Ұлы Отан соғысындағы Жеңіс күніне орай Атырауда өтетін мерекелік шаралар белгілі болды, деп хабарлайды AtyrauPress тілшісі.
Облыстық Ш.Сариев атындағы көркемсурет және қолданбалы – сәндік өнер музейінде 5 мамыр сағат 11.00-де «Ұрпаққа ұран Ұлы Жеңіс», «Мен соғыс туралы не білемін» атты суретшілер туындыларынан көрме және кітап көрмесі;
Атырау облысы тарихи өлкетану музейінде 5 мамыр сағат 11.00-де «Қазақтың тұңғыш ұшқыш қызы Х.Доспанова» тақырыптық көрмесі;
Атырау облыстық Махамбет атындағы академиялық қазақ драма театрында 5 мамыр сағат 15.00-де Отан қорғаушылар күні мерекесіне арналған салтанатты шара;
Махамбет атындағы академиялық қазақ драма театрының алаңында 5 мамыр сағат 15.00-де Әскери техникалардың көрмесі;
Х.Досмұхамедов атындағы Атырау университетінде 6 мамыр сағат 11.00-де ҰОС ардагері Ғ.Айдаралиевті еске алуға арналған републикалық ашық шахмат фестивалі;
«Сарайшық» коммуналдық базарында 6-9 мамыр сағат 9.00-де жергілікті тауар өндірушілер, ауылшаруашылығы өнімдері және қолөнершілер жәрмеңкесі;
Авангард спорт кешенінде 7 мамыр сағат 10.00-де ГТФ таеквондодан балалар мен жасөспірімдер арасында облыстық чемпионат;
Жұлдыз-3 шағынауданында 6 мамыр сағат 11.00-де Ұлы Отан соғысының ардагері Т.Телеубаевтың атына берілген көшенің ашылу салтанаты;
Х.Досмұхамедов атындағы Атырау университетінің «Жайық» спорт кешенінде 7 мамыр сағат 15.00-де ҰОС ардагері Қ.Биғамбаевты еске алуға арналған еркін күрестен жасөспірімдер арасында ашық республикалық турнир;
Атырау облыстық Махамбет атындағы академиялық қазақ драма театрында 9 мамыр сағат 19.00-де «Хиуаз» драмасы;
Жеңіс саябағындағы «Мәңгілік алау» монументінде 9 мамыр сағат 09.00-де «Ерлікке тағзым!» Ұлы Отан соғысында қаза тапқан жерлес жауынгерлерге арналған мәңгілік алауға гүл шоқтарын қою рәсімі;
Аудандардағы жеңіс саябақтары, аллеялар, обелискілерде 9 мамыр сағат 09.00-де «Ешкім де ештеңе де ұмытылмайды» атты тақырыптарда Ұлы Отан соғысында қаза тапқан жауынгерлердің ескерткіштеріне гүл шоқтарын қою рәсімі;
Аудан орталықтарында 9 мамырда Ауыл жастары арасында шағын футболдан жарыстар, мерекелік шаралар, мерекелік кештер, шерулер, бәйгелер (аламан бәйге), тай жарыстары, т.б. спорттық сайыстар өтеді.
Амандық САҒЫНТАЙҰЛЫ