Кәсіпкерлік саласы жаңалыққа толы

ATPress.kz. 16 қараша. Атырау облысы Мақат ауданынында жеке кәсіп ашушылардың саны жылдан-жылға артып келетіндігі байқалады. Тәуелсіздік алған жылдары Мақатта 230 жуық шағын кәсіп субъектілері болса, бұл көрсеткіш бүгінде 1400 жетіп, алты есеге артып отыр

Аталған құрылымдарда қазір үш мыңнан астам адам еңбек етіп келеді. Бұл туралы бүгін Өңірлік коммуникациялар қызметінде өткен брифингте айтылды. Мақат ауданының әкімі Берікқали Сәрсенғалиевтің мәліметіне сүйенсек, тәуелсіздік алған жылдармен салыстырғанда аудан экономикасының бюджеті 14 есеге артқан. 

Өткен жылдың өзінде Мақаттан кәсіп ашуға ниеттенген 17 адам жеңілдетілген несие алса, ағымдағы жылы 21 кәсіпкер мемлекеттік бағдарламалар арқылы 200 млн. теңге несие алып, жұмыстарын бастауда.  

- Аудан экономикасы дамуының басты көздері мұнай, газ өндіру, теміржол саласы. Бүгінде мың алты жүзге жуық тұрғын осы ірі кәсіпорындарда қызмет етеді. Тәуелсіздік алған жылдармен салыстырғанда жұмысшылар өндірген өндіріс өнімінің көлемі 48 есеге артып отыр, - дейді аудан басшысы. 

Нұрбейбіт Нұғыманов

Сурет автордікі