Атырау облысындағы қауіпті участкілерде ТЖМ күш пен құралдары үздіксіз жұмыс жасауда, деп хабарлайды AtyrauPress тілшісі.
Қап қаптау, инертті материалдарды төсеу жұмыстарымен қатар су арналарындағы арықтар мен су өткізу құрылыстары, көпірлердің асты тазартылуда. Бұл туралы облыстық төтенше жағдайлар департаментінің Қоғаммен байланыс тобыс мәлім етті. ТЖМ күштері мен құралдарының жұмысы нәтижесінде, облыста 96 174 қап қапталып, 21 000 тонна инертті материал төселді.
Жылыой ауданындағы көктемгі су тасқынын болдырмау, қауіпсіз өткізу мақсатында бүгінгі күні ТЖМ-нен 119 қызметкер, 11 бірлік техника, 4 жүзу құралы, 5 мотопомпа, 1 БПЛА жұмыс жасауда. Нәтижесінде жалпы саны 77 724 қап қапталып, қазіргі таңда атап айтсақ Бақашы, Дүйсеке ата, Шоқпартоғай, Тұрғызба бекеттерінде жұмыстар жалғасуда.
Ал, Қызылқоға ауданында Атырау облысы ТЖД 40 құтқарушы бөгеттерді нығайту жұмыстарын жүргізіп нәтижесінде 18 450 қап төселді. Судың қауіпсіз ағынын қамтамасыз ету үшін су басуы ықтимал барлық елді-мекендерде ТЖМ күштерімен құралдары тәулік бойы ауысыммен жұмыстарды жалғастыратын болады.
Амандық АБДОЛ