Жүзге жуық жылу батареясын ұрлаған атыраулық ұсталды
Атырауда жүзге жуық жылу батареясын ұрлаған күдіктілер ұсталды, деп хабарлайды AtyrauPress тілшісі.
№1 Атырау қалалық полиция бөліміне қала тұрғыны хабарласып, қойма ішінен өзіне тиесілі 87 дана жылу батареясын, 15 қорап ішіне оралған 10 дана газ есептегіші мен 20 дана болатын су есептегішін жасырын ұрлап оқиға орнынан бой тасалап кеткендігі жөнінде арызданды. Жәбірленушіге келтірілген материалдық шығынның жалпы құны - 5 325 000 теңге.
Қазіргі таңда 1992, 2001, 2003 жылы туған күдіктілер анықталып ұсталды.
Аталған факті бойынша ҚР ҚК-нің 188-бабының 3 бөлігі бойынша сотқа дейінгі тергеу амалдары жүргізілуде. Өзге ақпарат ҚР Қылмыстық процесстік кодексінің 201-бабына сәйкес жариялануға жатпайды.
