Атыраулық жас фотограф Каспий теңізінің қаншалықты тартылып бара жатқанын видеоға түсірді, деп хабарлайды AtyrauPress.
Ади Бектеміров қарт Каспийді Исатай ауданы Зинеден ауылында видеоға түсірді. Ол өзінің Telegram-каналында теңіздің уақыт өткен сайын жағадан алыстап бара жатқанын жазған.
«Сонда бұл теңіздің былтырдан бүгінгі күнге дейін тартылған аумағы. Болашақта не болады?» деп таңданысын жеткізді.
Соңғы уақытта теңіз суы Солтүстік Каспий жағалауынан 1,8 километрге алшақтаған.
Ал осыған дейін А.Бектеміров теңізге кетіп бара жатқан сазандарды биіктен түсіріп алған еді.
Эльмира МЫҚТЫБАЕВА