Атырау қаласында Kia Corento және Renault автокөліктері соқтығысып, жол апаты орын алды, деп хабарлайды AtyrauPress.
Облыстық полиция департаментінің баспасөз қызметінің хабарлауынша, жол-көлік оқиғасы 14 қараша күні сағат 00:30 шамасында болған. Қаладағы Әбілхайыр хан және Мәденов көшелерінің қиылысында Kia Corento және Renault автокөліктері соқтығысты.
Соның салдарынан екі автокөліктің жүргізушілері және төрт жолаушысы түрлі дене жарақатын алып, жедел-жәрдем көлігімен ауруханаға жеткізілді.
Қазір тиісті іс-құжаттар жинақталып жатыр.
Эльмира МЫҚТЫБАЕВА