Аудан әкімінің орынбасары Ерболат Иғали Жамбыл ауылдық округ тұрғындарымен кездесіп, ауыл тұрғындарының мәселелерін тыңдады, деп хабарлайды AtyrauPress тілшісі.
Тұрғындар бөгет, ауылшаруашылығы малдарын қараусыз қалдырмау, балабақша салу мәселелеріне қатысты сұрақтарын қойып, кездесу соңында жеке мәселелері бойынша қабылдауға кірді. Бұл туралы аудан әкімдігі мәлім етті. Қаракөл ауылынан спорт кешені мен ашық спорт алаңы құрылысы жүргізілуде. 2025 жылы құрылыс аяқтау жоспарланған. 100 орындық балабақша салу үшін бастапқы құжаттары дайындалуда. Құрылыс жұмыстары алдағы жылдарға жоспарланған.
Жастар саябағының ЖСҚ жасақталды. Алдағы жылдары құрылыс жұмыстарын жүргізу жоспарланып отыр.
Қаракөл ауылынан 8,3 км шақырым ауылішік автокөлік жолының құрылысына «A&K-Али» ЖШС-нің демеушілігімен ЖСҚ жасақталды. Сараптама қорытындысы алынды. Жол құрылысы жұмыстарын бастау алдағы жылдардың жоспарында.
Көктемгі тасқын уақытында су шайып кеткен Асаубай мен Бекмырза бөгеттері жергілікті атқарушы орган күшімен уақытша қалыпқа келтірілді. Алға қарай Бекмырза бөгетін жөндеу жұмыстарын жасау үшін ЖСҚ жасақталуда.
Амандық САҒЫНТАЙҰЛЫ
