Мақатта жаназа мен жерлеудегі ысырапты болдырмау жайы талқыланды

  • 17 Ақпан, 2023
  • 338

Аудан тұрғындарының бастамасымен арнайы кездесу өтті.

Ағымдағы жылдың 16 ақпаны күні Мақат кенті әкімдігінің үлкен мәжіліс залында кент тұрғындарының бастамасымен кент әкімі Е.Ермагамбетов Мақат аудандық мешітінің бас имамы Б.Сағындықовтың қатысуымен ауыл ақсақалдарымен, аға буын өкілдерімен «Жаназа және жерлеу рәсімдерінде ысырапқа жол бермеу» тақырыбында кездесу өткізді. Жиынды кент әкімі Е.Ермагамбетов ашып, жүргізді.

 Сөз алған аудандық мешіттің бас имамы Б.Сағындықов қазіргі уақытта жаназа және жерлеу рәсімдеріндегі ысырапшылдық үлкен мәселе болып отырғандығын, алайда дастархан мәзіріндегі ысырапшылдық, жөнсіз митингтер мәселесі бірқатар өңірлерде бірізділікке түсіп келе жатырғандығын, мақсатымыз қайғы түсіп жатқан шаңыраққа мейілінше жеңілдік жасау екендігін, садақа беру шығынның көптігімен емес, ниеттің тазалығымен таразыланатындығын,Құдайы астың дастарқан мәзірінде барынша қарапайымдылық сақталғаны жөн екендігін айтып өтті. Жиын барысында ардагерлер жаназадағы ысырапшылдық мәселесінен арылу жайын бұқаралық ақпарат құралдарында, әлеуметтік желіде жиі насихаттап, арнайы мәзір шегінен шықпауды халыққа ұғындыруды ұсынып,Қазақстан мұсылмандары діни басқармасымен қабылданған мұсылман халқының дүниеден өту, жерлеу, ас беру дәстүрлерін ел арасында жүзеге асыруды, тұрғындарды және асхана мен мейрамхана басшыларын садақа асын өткізу барысында ысырапшылдыққа жол бермеуге шақыруды қолдады.

 Қазақстан мұсылмандары діни басқармасының Атырау облысы бойынша өкілдігімен ұсынылған садақа дастарқанының ас мәзірі:

✓ бауырсақ, нан, шелпек;
✓ қаймақ;
✓ кәмпит, печенье;
✓ бір ыссы тамақ;
✓ қант;
✓ құрма;
✓ су, шәй.

Тегтер: