Құрманғазы ауылында 15 тұрғынға пәтер кілті табысталды, деп хабарлайды AtyrauPress тілшісі.
2024 жылы аудан бойынша барлығы 35 үй берілген екен. Ал. биыл 125 отбасын баспанамен қамту көзделіп отыр. Бұл туралы толығырақ біз аудан әкімдігінен сұрастырып көрген едік.
«Бүгін жергілікті бюджет арқылы ауданымызда ресми түрде апатты деп танылған тұрғын үй иелеріне баспана кілті табысталуда. Бәрін де жаңа қоныстарымен құттықтаймын! Алдағы уақытта елді баспанамен қамту, көшіру сынды шаралар тұрғын үй құрылысының аяқталуына қарай жүзеге асатын болады. Биыл баспана кезегінде тұрған 125 адамға жаңа үй кілтін табыстауды жоспарлап отырмыз» дейді аудан әкімі Абат Жанғалиев.
Амандық САҒЫНТАЙҰЛЫ