Атырау сервис колледжін жылына 220-ға жуық студент тәмамдаса, соның 80%-ы жұмыспен қамтылып, 5%-ы өз кәсібін ашады, деп хабарлайды ATPress.kz
Кәсіп ашқан түлектердің бірі - Александр Толстов.
Оқу орнын 2012 жылы «Мейрамхана ісін ұйымдастыру» мамандығы бойынша аяқтаған ол алған білімін жоғары оқу орнында жалғастырып, кейін «Маша и Медведь» жеке мейрамханасын ашқан.
- Мейрамхана ашуда колледждегі ұстаздардан алған білімім септігін тигізді.Оқимын деген студентке қай жерде болмасын мүмкіндік мол, - дейді Александр Толстов.
Жаңа технологияларды пайдалана отырып заманға сай сервис мамандарын дайындайтын іргелі оқу орны 55 жылдық қызметі барысында 115 000 жас кадрға жолдама берген.
Айта кетейік, аталған білім беру ұйымында 24 оқу кабинеті, теориялық оқуға арналған 6 зертхана мен 17 жалпы білім беретін кабинет, 7 арнаулы білім беретін кабинет жасақталған.
ATPress.kz