Қазақстанның екінші, әлемнің 144-ракеткасы Тимофей Скатов Чилидің Консепсьон қаласында өтіп жатқан челленджер турнирінің ширек финалына шықты.
Осы жарыстың 8-ракеткасы болып тіркелген Петропавл теннисінің түлегі екінші айналымда дүниежүзілік рейтингіде 260-орында тұрған колумбиялық Николас Мехиямен күш сынасты.
Қазақстандық теннисші 6:2, 6:2 есебімен жеңіске жетті. Сағат жарымнан астам уақытқа созылған бәсеке барысында ол 1 эйс жасап, 9 брейк-пойнттың төртеуін өз есебіне жазды.
Т.Скатов жартылай финалға шығу үшін әлемнің 102-інші, турнирдің 2-ракеткасы, чилилік Алехандро Табило немесе рейтингте 206-сатыдағы италиялық Лусиано Дардеридің біреуімен таласады.