Қазақстан Iрhone бағасы бойынша әлемде нешінші орында тұр

Globalproductprices нұсқасы бойынша, жады 128 ГБ iPhone 14 бағасының жаһандық рейтингінде Қазақстан 74 елдің ішінде 10-орын алып, мұндай телефонды сатып алу ең қымбат елдердің қатарына кірді, деп хабарлайды Qaz365.kz тілшісі Ranking.kz-ке сілтеме жасап.

Аталған телефон құны ҚР-да 1,2 мың АҚШ доллары.

Ең қымбат iPhone 14 Нигерия, Түркия және Бразилияда: сәйкесінше 1,7 мың, 1,6 мың және 1,5 мың АҚШ доллары.

Гаджетті сатып алатын «ең арзан» елдер АҚШ (799 АҚШ доллары), Канада (807 АҚШ доллары) және Макао (854 АҚШ доллары) болды.

Бұл ретте рейтингте қарастырылған ТМД елдерінің ішінде Әзербайжан мен Украина ҚР-дан жоғары болды, мұнда жады 128 ГБ iPhone 14 сәйкесінше 1,4 мың және 1,3 мың АҚШ доллары тұрады.

Қазақстаннан сәл арзанырақ құрылғыны Ресей мен Өзбекстанда сатып алуға болады: 1,1 мың АҚШ долларына.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.