Шағын футболдан “Атырау-Ақпарат” құрама командасы журналистер арасында өткен жарыста қола медаль жеңіп алды, деп хабарлайды AtyrauPress.
“Атырау-Ақпарат” құрама командасы журналист, спорт комментаторы Амангелді Сейітхановты еске алуға арналған турнирде үшінші орынға ие болды.
Топтық бәсекеде біздің команда Қазақстан РТРК алматылық филиалының ойыншыларын 4:0, ал
«Жамбыл ТВ» - 2:1, «Хабар 24» командаларын - 3:0 есебімен жеңіп, плей-офф ойындарына жолдама алды.
Ойынның ширек финалында біздің команда “31 медиахолдингінің” құрама командасымен кездесіп, 2:0 есебімен басым түсті.
Жартылай финалда “Қазмедиа” командасымен болған ойынды 0:1 есебімен аяқтады.
Турнир қорытындысы бойынша, “Ақмешіт” командасы алтын, "Қазмедиа” күміс медальға ие болды. Ал “Атырау-Ақпарат” командасы тартысты ойында 3:1 есебімен спорт журналистерінен оқ бойы озық шығып, қола медальға қол жеткізді.
Турнирге қатысуға қолдау білдіріп, демеушілік көрсеткені үшін Атырау қалалық мәслихатының депутаты Хамит Қонарбаев пен Бауыржан Әжіғалиевке алғыс айтамыз.
ЭЛЬМИРА МЫҚТЫБАЕВА