Иван Лидің отбасы көпұлтты. Бірақ олардың бұл ерекшелігі тату өмір сүрулеріне кедергі емес, деп хабарлайды AtyrauPress тілшісі.
Анасы Ирина Калмыкованың ұлты орыс, үлкен ағасы Алексей Пан - корей, ағасының әйелі Сабина Ишаева (жеңгесі) - қазақ, сондай-ақ Иван Лидің әйелі Наргиз Жигулина - курдянка, ал өзі корей.
Олардың көпұлтты отбасында қазақ дәстүрлері қатаң сақталып келеді, өйткені олардың барлығы Қазақстанда туып-өскен, әрі дәстүрлер өмірлерінің ажырамас бөлігіне айналды.
«Отбасымыз үшін ең сүйікті мерекелердің бірі - Наурыз мейрамы. Сонымен қатар, егін жинауға байланысты Чусок сияқты корей мерекелерін және Корей Жаңа жылы - Сольнальды атап өтеміз. Масленица да біздің сүйікті мерекелеріміздің қатарында», деп айтты Иван Ли.
Иван Ли 14 жаста, ал әйелі 13 жаста болғанда бір-бірлерімен танысты. Олар бір топ достардың арасында ойнап отырған. Содан бері сөйлесіп, жақын араласа бастады.
«Біз мейрамханада танысыппыз. Менің әкеме корей жігітке тұрмысқа шығуым туралы жаңалықты қабылдау қиынға соқты, ал анам қарсы болған жоқ. Өйткені, ол үшін ең бастысы жақсы адам болғаны», деді әйелі Наргиз Жигулина.
«Жанұямыз мейрамханамен байланысты болғандықтан, бәріміз тамақ дайындаудан ләззат аламыз. Біз бір-бірімізді қатты жақсы көреміз, доспыз. Ал үйде тамақ дайындауға келсек, тағамға деген талғамымыздың әртүрлі екендігі байқалады. Сондықтан бәріміз өзіміздің сүйікті тағамдарымызды әзірлейміз. Атап айтқанда, тұшпарадан бастап, қазақтардың бешбармағына дейін. Бұл отбасымыздың жайлы дәстүріне айналып кетті», деді Иван.
«Жолдасыммен мектеп кезінен таныспыз. Әкем қарсы болған жоқ. Енем мені қуана-қуана қарсы алды. Қазақ дәстүрімен де ұзатылдым, сырға салуым болды. Мен күйеуімнің отбасы қазағымның дәстүрін осылай құрметтегендеріне өте қуаныштымын. Қазақстан көпұлтты мемлекет болғандықтан, біздің отбасымыз да шағын мемлекет сияқты бәріміз бейбітшілік пен сүйіспеншілікте өмір сүрудеміз деп ойлаймын. Ол біздің негізгі мақсатымыз. Сол себепті, ешқандай түсініспеушіліктер болмайды деп санаймын. Көпұлтты жанұяға келін болып түссем де, өз балама қазақ тіліне деген сүйіспеншілігін оятқым келеді. Бесік жырын қазақша айтамын», деп айтты жеңгесі Сабина Ишаева.
Анасы Ирина Калмыкова айтқандай, олар ұлттарға бөлінбейді. Отбасыларында шыдамдылық, кешірім мен махаббат бірінші орында.
Иван Лидің жанұясы жайында қызықты фактке тоқталсақ, оның ағасы Алексей мен әйелі Сабинаның Тера есімді қызы бар. Ол ағасы Панның есімімен аталған. Осылайша, Пан Тера Алексейқызы деп аталып кеткен.
«Біздің отбасымыз өте тату», деп аяқтады сөзін Иван Ли.
Қасиет Бахкерейқызы