«Қорғау – қауіпті жүргізуші»: көлік құралын басқару құқығынан айырылған күйде автокөлік тізгіндеген жүргізушілер анықталды, деп хабарлайды AtyrauPress тілшісі.
5 желтоқсан күні патрульдік полиция қызметкерлері бекітілген аумақтарында патрульдеу кезінде «Қорғау» бағдарламалық кешені арқылы маркасы Chevrolet Malibu, Chery Tiggo, Ваз 21013 және Shacman автокөліктерін тоқтатты. Бұл туралы облыстық полиция департаментінің баспасөз қызметі мәлім етті. Құжаттарын тексеру барысында аталған автокөлік жүргізушілерінің көлік жүргізу құқығынан айырылған күйде автокөлік басқарып жүргендігі анықталды. Аталған жүргізушілерге қатысты ҚР ӘҚБтК-нің 612-бабы 3-бөлігі, яғни көлiк құралын басқару құқығынан айрылған жүргiзушiнiң көлiк құралын басқаруы бойынша әкімшілік хаттама жасақталды. Автокөліктер арнайы тұраққа жеткізіліп, іс құжаттары мамандандырылған әкімшілік сотқа жолданды.
"Құрметті көлік жүргізушілері, жол қозғалысы ережелерін қатаң сақтауды ескертеміз" дейді ПД мамандары.
Амандық САҒЫНТАЙҰЛЫ