Атырауда айыппұл төлемеген көлік жүргізушілері жауапқа тартылуда, деп хабарлайды AtyrauPress тілшісі.
Атырау қаласы аумағында 2025 жылдың басынан бері «Қорғай-Сергек» ақпараттық жүйесі арқылы қалада жол қозғалысы қауіпсіздігі қатаң бақылауға алынған. Тәртіп сақшыларының күшейтілген режимде жұмыс істеуі нәтижесінде бірнеше автокөлік айыппұлдарын төлемей жүрген борышкерлер ретінде анықталды.
Мәселен, 4 қаңтар күні Атырау қаласының Әбілхайыр хан даңғылында маркасы Ваз-2170 көлігінің жүргізушісі айыппұлды төлемей жүргені үшін тоқтатылды. Сонымен қатар, Әуезов көшесі бойында маркасы Nissan автокөлігі тоқтатылып, көліктің жүргізушісінің үш айыппұлы бар екені белгілі болды. Барлық аталған көліктер арнайы тұраққа қойылған.
Атырау қаласының тұрғындары мен қонақтарына жолда жүру ережелерін қатаң сақтауға және кез келген құқық бұзушылықтар үшін айыппұлдарды уақытылы төлеуге ескертеміз.
Амандық САҒЫНТАЙҰЛЫ