Қазақстан Республикасының Ақпарат және қоғамдық даму министрлігі жаппай тәртіпсіздік кезінде ұсталған журналистер туралы пікір білдірді.
Бұл туралы ATPress.kz Zakon.kz сайтына сілтеме жасай отырып хабарлайды.
Жаппай тәртіпсіздік кезінде оқиға маңында болған журналистерді ұстап алып, тексеру жұмыстары жүріп жатқаны шындық. Аталған мәселеге қатысты министрлік жауап берді.
Министрліктің мәлімдеуінше, ұстап алу фактілерін анықтаудағы негізгі проблемалар – журналистерде айырым белгілерінің болмауы, бұл оларға қатысты кәсіби қызметтерін жүзеге асыруға рұқсат беруде проблема тудырған.
Кеудеше, жеңдегі таңғыш, жапсырма журналистің айырым белгілері болып табылады және ол айырым белгілері анық көрініп тұру қажет.
Министрлік БАҚ өкілдерін ұстап алудың әрбір жағдайы мұқият тексерілетіндігін айтады.
«Бұдан басқа, оқиға кезінде БАҚ-тың жекелеген өкілдері Қазақстан Республикасында «Бейбіт жиналыстарды ұйымдастыру және өткізу тәртібі туралы» заңнаманы бұзу фактілері бойынша, сондай-ақ төтенше жағдай кезінде құқықтық тәртіпті бұзуға итермелейтін әрекеттері және тікелей өздерінің кәсіби қызметтерін жүзеге асырмағаны үшін ұсталды» делінген мәлімдемеде.
Айта кетейік, бүгінгі таңда ҚР аумағында БАҚ өкілдері үшін тиісті айырым белгілері бекітілген Бейбіт жиналыстарда болатын журналист (бұқаралық ақпарат құралдарының өкілі) қызметінің қағидалары қолданылады.
Министрлік төтенше жағдай режимінің талаптарына түсіністікпен қарауға және оны қатаң сақтауға, сондай-ақ бұқаралық іс-шараларды жария ету кезінде журналистердің айырым белгілеріне ие болуға шақырды.