Атырау облысының қылмыстық істер жөніндегі мамандандырылған ауданаралық сотында адам өлтiру фактісі бойынша (ҚК-нің 99-бабының 1-бөлігі) азамат З-ға қатысты қылмыстық іс қаралды, деп хабарлайды ATPress.kz
Бұл туралы Атырау облысының қылмыстық істер жөніндегі мамандандырылған ауданаралық сотының баспасөз қызметі мәлімдеді.
Сотпен анықталғаны 2021 жылдың наурыз айында сотталушы З. жәбірленуші А.-ның өтініші бойынша өз атына банктерден бірнеше рет несие рәсімдеп, оларды жәбірленуші А. өзі өтейтініне уәде берген. Алайда, кейін ол несиелерді төлеуден мүлдем бас тартып, араларында келіспеушілік туындайды.
2021 жылдың қараша айында сотталушы З. жәбірленуші А.-мен кездескен кезде, оның әрекеттеріне ашуланып, өзінде жүрген пышақпен жәбірленушіге бірнеше рет соққы жасап, оқиға орнынан қашып кеткен. Алған ауыр дене жарақаттары салдарынан жәбірленуші А. сол жерде есін жимастан, қайтыс болған.
Басты сот талқылауында сотталушы З. кінәсін толық мойындап, жасаған әрекетіне өкінді.
«Дәлелдемелер бойынша сотталушының кінәсі жәбірленушінің, куәлардың айғақтарымен, сондай-ақ сараптама қорытындыларымен және бейнежазбалармен дәлелін тапты. Прокурор З.-ға 10 жылға бас бостандығынан айыру түріндегі жазаны тағайындауды сұрады. Жәбірленуші тарап та соны талап етті» делінген баспасөз хабарламасында
Үкім шығару кезінде сотпен жазаны ауырлататын мән-жайлар анықталмағандықтан және мән-жайлар ретінде З.-ның шын жүректен өкінуі, өз еркімен келуі, қылмыстық құқық бұзушылықты ашуға белсенді ықпал етуі және отбасылық жағдайы жазасын жеңілдетуге жататындықтан ҚК-нің 99-бабының 1-бөлігінің санкциясында 10 жылдан 15 жылға дейінгі мерзімге бас бостандығынан айыру жазасы көзделген.
«Сот сотталушы З.-ны ҚК-нің 99-бабының 1-бөлігімен кінәлі деп танып, оған 10 жыл бас бостандығынан айыру түріндегі жазаны тағайындады. Сот үкімі заңды күшіне енген жоқ» дейді баспасөз хатшысы.