Атырау қаласында 9 сынып оқушысын көлік қағып, қайтыс болғаны жайлы ақпарат тарады деп хабарлайды ATPress.kz.
Уатсапп желісіндегі жазбаны оқушының мұғалімі қалдырғанға ұқсайды.
Онда былай делінген: «Қайырлы кеш, құрметті ата-аналар! 9-сыныпта болған қайғымен бөліскім келеді. Бүгін Вика деген қызымыздан айырылып қалдық. Мектепке келе жатып, жүргіншілер жолағынан өтпекші болған оны көлік қағып кетті. Алған жарақаты ауыр болып, сол жерде көз жұмды».
Оқиға 22 желтоқсан күні болған.
Алайда, әзірге бұл туралы құқыққорғау органдары ешқандай ресми ақпарат бере қойған жоқ.