Атырау қаласында Жайық өзенінің мұзы ойылып, екі жігіт суға батып кете жаздаған.
Бұл туралы ATPress.kz облыстық полиция департаментінің баспасөз қызметіне сілтеме жасай отырып хабарлайды.
«Жайық өзенінің бетіндегі мұз ойылып, үстінде жүрген жігіт суға кетіп бара жатқанын көріп жанындағы досы көмекке келген. Оқиғаға куә болған тұрғындар арнайы мамандарды көмекке шақырған. Алайда екі жігіт өз күштерімен өзеннің арғы жағына өтіп, аман қалды. Аязды күні суға кету қаупінен аман қалған жігіттерге жағадағы Атырау қаласы полиция басқармасының №86 стационарлық бекетінің қызметкерлері алғашқы көмек көрсетіп, жедел-жәрдем қызметкерлерін шақырды» дейді департаменттің баспасөз қызметі.