ҚР Президентінің жанындағы Әйелдер істері және отбасылық-демографиялық саясат жөніндегі Ұлттық комиссиясының мүшесі Әлфия Адиева Атырау облысына іс-сапармен келді. Іс-сапар барысында Геолог емханасында ашылған “Самға” жастар денсаулық орталығының және отбасын жоспарлау кабинетінің жұмысымен танысты, - деп хабарлайды Өңірлік коммуникациялар қызметі хабарлайды.
«Самға» орталығы кәмелетке толмағандарға және 18 бен 29 жас аралығындағы психиологиялық мәселесі бар жастардың жыныстық сауаттылығын арттыру мақсатында жұмыс істеп тұр. Мұнда 7 кабинет және акушер-гинеколог, уролог-андролог, психолог, мейіргер, заңгер, терапевт және педиатр бар.
- Атырау облысында ерте жүктілік көрсеткіші азайып келеді. Бұл мамандардың осы мәселемен қарқынды жұмыс істеп жатқандығын айқындайды.Қазіргі таңда жастар ерте дамып келеді, түсіндірме жұмыстары мектеп және емханада емес отбасында айтылу керек мәселе,-деді Ә.Адиева
«Samruk-Kazyna Trust» қорының қаржылай қолдауымен «Саламатты Қазақстан» медициналық пойызы жолға шығып, Атырау облысына барды. Шалғай аймақтағы станциялар мен олардың маңайындағы ауылдардың 7 мыңнан астам тұрғыны білікті медицина қызметкерлеріне ақысыз негізде қаралып, дәрігерлер 2417 баланың денсаулығын тексерді.