Индер ауданындағы Шоқан Уәлиханов атындағы орта мектеп жанынан ұлттық құндылықтарымызды насихаттау мақсатында «Ұлы дала ұрпақтары» - атты этнолагерь ашылды, деп хабарлайды AtyrauPress тілшісі.
Бұл туралы облыстық білім беру басқармасының баспасөз хатшысы Эльмира Тұңғатарова мәлім етті. Лагерь төрт бағыт бойынша жұмыс жасайды. «Ұлы мұра ұлттық қолөнер» бағытында халқымыздың қолөнерін дамыту, қолөнер шеберлеріне қолдау көрсету, жас әрі дарынды қолөнершілерді анықтау көзделген. Бұл бағыт бойынша балаларға ши тоқу, киіз басу өнерінен шеберлік сағаттары өткізіледі.
Ал «Ұлы дала елінің ұлттық ойындары» бағытында ұлттық ойындар тарихы, олардың ережесі, «Ұлттық құндылықтар ұрпаққа аманат» бағыты бойынша жалпы ұлттық аспаптар таныстырылады. «Ұлы дала дүниетанымы» бағытында ұлттық тағамдарды дайындаудан шеберлік сағаттары ұйымдастырылады.