Мұнайлы астанамызда әлемді таңдандырған таңдаулы қойылымның жаңа нұсқасы сахналанбақ. Бұл жаңа нұсқа елімізде ең алғаш рет қойылмақшы, деп хабарлайды AtyrauPress тілшісі.
Махамбет атындағы академиялық қазақ драма театрының баспасөз қызметінен білгеніміздей, 11-12 маусым күндері сағат 19.00-де заманауи неміс драматургы Мариус Майенбургтың "Урод" пьесасының жаңарған қойылымы "Бет off Face” драмшоуы өтеді.
"Адам өмірі қашан да таңдаудан тұрады. Таңғы астан бастап адам таңдау жасайды. Мүмкіндіктер, өзгерістер, уақыт – бәрі таңдау. Өміріңді өзгертетін негізгі таңдауды дұрыс жасау – ең басты мәселе. Бақыт үшін, әдемілік, карьера үшін өмірін түбегейлі өзгертуге бел буған кейіпкердің тағдырын көргіңіз келе ме?! Ендеше, театрға асығайық! Әлемдік театр көрермендерін таңдай қақтырған бұл қойылым – бұрынғыдан өзгерек! Келіңіздер, көріңіздер!" дейді театрдың баспасөз қызметіндегілер.
Амандық САҒЫНТАЙҰЛЫ
