«Хабар» телеарнасының «Бес жұлдыз» мега-шоуына Қазақстанның әр өңірінен дарынды балалар қатысып, бақ сынады, деп хабарлайды AtyrauPress тілшісі.
Жобаға Атыраудан арнайы шақырту бойынша Әл-Фараби атындағы «BINOM SCHOOL» мектеп-лицейінің VIII сынып оқушысы Нұршат Құсанова қатысып, байқаудың гранд-финалына жолдама алды. Бұл туралы Атырау облыстық білім беру басқармасының Тәрбие орталығы хабарлады.
Аtr.kz мәлім еткендей, Нұршат – түрлі деңгейдегі өнер байқауларының жеңімпазы. Байқаудың бірінші кезеңінде ол белгілі әнші Байтанат Әділбекпен «Ана» әнін орындап, ең жоғары – 9,93 ұпай жинап, маусым айының соңында өтетін финалға жолдама алды. Айта кету керек, «Бес жұлдыз» шоуының әр бағдарламасында 5 үміткер бақ сынасады. Бірінші кезеңде қатысушылар жеке өнер көрсетті. Екінші кезеңде қатысушылар тәлімгерімен бірге алаңға шығады. Қойылымдарды сарапшылар бағалайды, ең көп ұпай жинаған қатысушы жеңімпаз атанады.