Өңір жастары үшін MediaEDUCATION жобасы аясында «SHABYT қанаты» шығармашылық байқауына өтінім қабылдау басталды, деп хабарлайды AtyrauPress тілшісі.
Байқау төмендегі номинациялар бойынша өтеді:
Музыкадағы үздік шығарма;
Мобилографиядағы үздік әлеуметтік ролик;
Үздік көркем шығарма;
Үздік TikTok;
Үздік көркем оқу.
Шығармашылық байқауға 14-35 жас аралығындағы Атырау облысының жастары өтінім бере алады.
MediaEDUCATION жобасы - шығармашыл, талантты жастардың кәсіби өсуіне қолдау көрсетіп, олардың қабілеттерін дамыту, адамгершілік құндылықтар мен жоғары эстетикалық және интеллектуалдық талғамдарын қалыптастыру қалыптастыру мақсатында ұйымдастырылды.
Жобаны Атырау облысы Ішкі саясат басқармасының тапсырысымен, «Азаматтық бастамаларды қолдау орталығы» КЕАҚ қолдауымен «Алматы студенттер Альянсы» КҚ жүзеге асыруда.
Өтінім 2024 жылдың 25 қазанына дейін atyrau.zhastary@mail.ru электронды почтасы арқылы қабылданады.
Байқау жеңімпаздары қаржылай сертификаттармен марпатталады.
Амандық САҒЫНТАЙҰЛЫ