Исатай аудандық әкімдігінде бөлім басшысы тағайындалды
Исатай аудандық кәсіпкерлік және ауыл шаруашылығы бөлімінің басшысы болып Ермұханов Қадыржан Көшерұлы тағайындалды, деп хабарлайды AtyrauPress тілшісі.
Ермұханов Қадыржан Көшерұлы 1962 жылы 12 шілдеде Атырау облысы, Исатай ауданы, Тұщықұдық ауылында дүниеге келген. Ұлты-қазақ.
Білімі-жоғары. 1991 жылы Батыс Қазақстан ауыл шаруашылығы институтын бітірген.
Еңбек жолын 1979 жылы “Жайықмұнайгаз” МГӨБ бастап, “Чапаев” совхозында, “Жігермұнайсервис” ЖШС қызмет атқарған. 2009-2021 жылдары аралығында Исатай аудандық ауыл шаруашылығы және кәсіпкерлік бөлімдерінде бас маман, бөлім басшысы лауазымдарын атқарған.
2022 жылдан күні бүгінге дейін Аққыстау ауылдық округі әкімінің бас маман лауазымында болған. Жалпы еңбек өтілі - 37 жыл, мемлекеттік қызметтегі еңбек өтілі - 10 жыл. Отбасылы.
Аудан әкімі П.Хасанов аппарат жиынында жаңа басшының жұмысына сәттілік тілеп, бөлімге қарасты жұмыстарды бақылауға алып, ауданның ауыл шаруашылығы мен кәсіпкерлік саласын дамыту бағытында жұмыстарды тиісті деңгейде ұйымдастыруды тапсырды.
Аталған бөлімде бөлім басшысы лауазымын атқарып келген Утегенов Нұрберген Мұратұлы 2022 жылдың 1 қыркүйегінен бастап ҚР Президентінің жанындағы Мемлекеттік басқару академиясының магистратурасына 2 жылдық мерзімге оқуға қабылданған болатын.
