Атырау қаласында төрт бірдей автокөлік соқтығысты деп хабарлайды AtyrauPress облыстық полиция департаментінің баспасөз қызметіне сілтеме жасап.
Бүгін Баймұханов көшесінде сағат 15:25 минуттар шамасында жол-көлік оқиғасы тіркелді. Онда екі жолаушылар тасымалдайтын "Daewoo" "Youtong" маркалы автобустары мен Toyota Camry, Hyundai Elantra автокөліктері соқтығысты.
Оқиға салдарынан Hyundai Elantra автокөлігінің жүргізушісі мен жолаушысы оқиға орнында қайтыс болды және жасөспірім жолаушысы облыстық балалар ауруханасына жеткізілді.
Өзге көлік құралдарының жолаушыларына жедел-жәрдем қызметкерлері медициналық көмек көрсетіп жатыр.
Қазіргі уақытта тиісті тергеу амалдары жүргізіліп, іс-құжаттар жинақталуда.
Эльмира МЫҚТЫБАЕВА