Атырауда 39 жастағы әйелді көлік қағып кетті (видео)

  • 31 «мамыр», 2023
  • 2934

Атырау облысы Құрманғазы  ауылында УАЗ автокөлігі 39 жастағы тұрғынды қағып кетіп, салдарынан әйел ауруханада көз жұмды, деп хабарлайды AtyrauPress.

"26 мамыр күні сағат 10:30 шамасында Құрманғазы ауылы, Абай көшесінің бойында 1966 жылы туған азаматтың басқаруындағы маркасы УАЗ автокөлігі жаяу жүргіншілер өткелінен өтіп бара жатқан жаяу жүргіншіні қағып кетті" , - деп жазылған облыстық полиция департаменті таратқан хабарламада. 

Соқтығыс салдарынан 39 жастағы азаматша әр түрлі дене жарақатымен Құрманғазы аудандық орталық ауруханасына жеткізілді. Сол сәтте оған қатысты сот-медициналық сараптама тағайындалды.

Өкінішке қарай, зардап шеккен әйел ауруханада қайтыс болды.

Қазіргі таңда аталған факті бойынша ҚР ҚҚ-нің 345-бабының 3-бөлігіне сәйкес сотқа дейінгі тергеп-тексеру басталды.

 

 

Эльмира МЫҚТЫБАЕВА

Тегтер: # Талқыланған # жол апаты