Кәрімов Бауыржан Бақтыгерейұлы – «Атырау бокс федерациясы» қоғамдық бірлестігінің президенті болып тағайындалды, деп хабарлайды AtyrauPress тілшісі.
Өңірлердегі төтенше жағдайға байланысты федерациядағы ауыс-түйіс 15 сәуірде онлайн түрде өтті. Экс-президент Шухрат Данбай жаңа басшылыққа боксты дамыту жолында жемісті жұмыс бастауға тілек білдіріп, жаңа жеңістер мен биік белестерді бағындыруды тіледі. Өз кезегінде сөз алған Бауыржан Бақтыгерейұлы оған өңірде боксты дамыту жолында атқарған жұмыстары үшін алғысын білдірді.
Еске сала кетейік, Атырау облыстық соты Атырау мұнай өңдеу зауытының бұрынғы басшысын 4,6 жылға бас бостандығынан айыру жөнінде үкім шығарған болатын. Сондай-ақ, оған мемлекеттік қызметте жұмыс жасауға өмір бойына тыйым салынды.
Амандық САҒЫНТАЙҰЛЫ
Фото: Атырау облыстық спорт басқармасы, АМӨЗ