Қызылқоға ауданы әкімінің орынбасары Ерболат Иғали Қызылқоға ауылдық округі тұрғындарымен кездесіп, өңірдегі өзекті мәселелер мен жобалармен таныстырды, деп хабарлайды AtyrauPress тілшісі.
Кездесуде жергілікті жұртшылық жол, ұялы байланыс, ауылда басталған құрылыс жұмыстары туралы сауалдарын қойса, жеке қабылдауда да жұмыспен қамту, әлеуметтік мәселелер өтініштерін білдірді. Бұл туралы аудан әкімдігі мәлім етті. Ақпарат үшін айта кетейік, Қарабау ауылына кіре беріс жолды жарықтандыру (1,1 км) жұмыстары жүргізілуде. Құрылыс жұмыстары жыл соңына дейін аяқталып, пайдалануға беріледі. Мердігер «Инвент Теам» ЖШС.
Жаңа 300 орындық мәдениет үйінің құрылысы жүргізілуде. Алдағы жылы пайдалануға беріледі деп күтілуде. Мердігер «Нуркапстройгаз» ЖШС.
Қарабау ауылы халқының сұранысына сай өткен жылы құрылысы басталған тағы бір нысан - СПОРТ КЕШЕНІ. Құрылыс жұмыстары жүргізілуде, 2025 жылы аяқталады. Мердігер «НСК «МВМ CONSTRUCTION» ЖШС. Одан өзге ашық спорт алаңы құрылысы да жүргізілуде.
Бастауыш мектептің жобалық-сметалық құжаттамасына өзгеріс енгізілуде. Алдағы жылы құрылыс жұмыстары басталады.
Қарабау ауылындағы 9 көшеге 6 шақырым болатын ауылішілік автокөлік жолының құрылысы бойынша «A&K-Али» ЖШС-нің демеушілігімен ЖСҚ жасақталып, сараптама қорытындысы алынды. Құрылыс жұмыстарын алдағы жылдары бастау жоспарлануда.
Амандық САҒЫНТАЙҰЛЫ
