Гонконгта танымал модельді күйеуі мен қайын жұрты айуандықпен өлтірді деген күдікке ілінді. Олар әйелдің денесін жасыру үшін тіпті ет тартқыштан өткізіп, сүйегін қайнатқан, деп хабарлайды Stan.kz ақпарат агенттігі CNA ақпарат агенттігіне сілтеме жасап.
Оның бұрынғы жұбайы мен оның отбасы бастапқыда полицейлерді шатастырып, дұрыс емес ақпарат береді. Алайда тәртіп сақшылары күйеуінің туыстарының әйелдің жоғалып кетуіне қатысы бар екенін көрсететін дәлелдер тауып, қайын атасын, қайын енесін және олардың үлкен ұлын ұстады. Келесі күні Гонконгтан қайықпен кетуге тырысқан бұрынғы жұбайы Чой да ұсталды.
Танымал модель Эбби Чойдың жоғалғаны жайлы ақпарат полицияға 22 ақпан күні түскен.
“Қайын ағасы Эббидің жеке жүргізушісі болып жұмыс істеген. Ол сол күні келіншекті жұмыстан алғаннан кейін қала сыртындағы жалдамалы үйге алып барады. Сол жерде отбасы мүшелері келіншекті өлтіріп, денесін паршалап тастаған. Қазір басын іздеудеміз”, — делінген полиция хабарламасында.
Жалдамалы үйден сондай-ақ, ет тартқыш пен екі үлкен ыдыс және адамның бөлшектелген дене мүшелері табылған.
Полицияның алдын-ала болжамынша, мұндай қылмысқа қаржы мәселесі себеп болуы мүмкін. Яғни, ата-енесі келінінің қомақты ақша тапса да дұрыс бөліспейтініне қапалы болған. Осылайша өз балаларын адам өлтіруге итермелеген көрінеді.
Қазіргі уақытта тәртіп сақшылары зираттардың бірінің айналасындағы аумақты қарап жатыр. Ол жерде келіншектің басы жасырылуы мүмкін деп санайды.