20 жастағы ирандық әлемдегі ең бойы қысқа адам ретінде Гиннестің рекордтар кітабына енді.
Ер адамның бойы 64 сантиметр, деп хабарлайды Stan.kz ақпарат агенттігі gazeta.ru. порталына сілтеме жасап. Рекордтың авторы – Афшин Эсмаил Гадерзаде. Ата-анасының айтуынша, ұлы дүниеге келгенде оның салмағы небәрі 600 грамм болған. Бала дәрігерлердің өмір сүрмейді деген болжамдарына қарамастан, аман қалған. Ер адамның өзі сыртқы келбетінен ұялмайтынын айтады.
"Мен әлемдегі ең ұзын адам кім екенін білемін. Оның алақанына сыйып кетемін деп ойлаймын", - деп әзілдеді Гадирзаде.
Афшин физикалық ерекшеліктеріне байланысты жұмыс табу қиынға соғатынын айтып, шағымданды. Бірақ ол алған атағы отбасын қаржылай қолдауға көмектеседі деп үміттенеді.
"Ата-анама көмектесуді армандаймын. Бұл бүкіл әлемдік мойындау менің арманымды жүзеге асыруға көмектесетін шығар", - дейді ол.