Құлсары-Атырау бағытындағы автобус жүргізушісі жауапкершілікке тартылды

Атырауда тасжолдарда жол қауіпсіздігін қамтамасыз ету шаралары жүргізілуде, деп хабарлайды AtyrauPress тілшісі.

Атырау облысында ауа райының күрт құбылуы мен жауын-шашын салдарынан жолдың тайғақ болуына байланысты патрульдік полиция ротасының қызметкерлері Атырау-Ақтөбе тас жолының Доссор-Сағыз елді мекендері тұсында жүргізушілерге ескерту жасады. Атап айтқанда, Құлсары-Атырау бағытында жолаушы тасымалдайтын қоғамдық автобустың жүргізушісі үздіксіз ақ жолақты кесіп өтіп, жолдың қарама-қарсы бағытқа шыққаны дрон арқылы тіркелді. Бұл әрекеті үшін жүргізуші әкімшілік жауапкершілікке тартылды.

"Осы ретте, облыс тұрғындарына ауа райы жағдайларын ескере отырып, жолда сақтық шараларын қатаң сақтау қажеттігі ескертіледі" дейді жол полицейлері.

Амандық САҒЫНТАЙҰЛЫ