Атырау облысы аумағында 5 желтоқсан және 3 қаңтар аралығында «Пиротехника» жедел-профилактикалық іс-шарасы өткізілуде, деп хабарлайды AtyrauPress тілшісі.
"Сапасыз және сертификатталмаған пиротехниканы пайдалану өртке немесе жарақат алуға, қайғылы жағдайға әкеп соқтыруы мүмкін екендігін ескерте отырып, сақтық шараларын білгеніңіз абзал" дейді облыстық ПД мамандары.
- Тек арнайы дүкендерден пиротехниканы сатып алыңыз. Сертификаттары бар, қауіпсіздігі расталған өнімдерді таңдаңыз;
- Әрбір пиротехниканың пайдалану жөніндегі нұсқаулығын мұқият оқып шығыңыз. Ережелерді қатаң сақтаңыз;
- Адамдардан, ғимараттардан, ағаштардан және жанғыш заттардан алыс жерде пайдаланыңыз. Ашық алаңды таңдаңыз;
- Жарамдылық мерзімі өткен пиротехниканы қолданбаңыз;
- Балалардың отшашуды пайдалануына жол бермеңіз;
- Пиротехника бұйымдарын тұрғындар тыныштығын бұзып, қоғамдық орында пайдалану және арнайы рұқсатсыз сату немесе сақтағаны үшін әкімшілік жауапкершілік көзделген.
Амандық САҒЫНТАЙҰЛЫ